Am Wocheend von 24./25. November esch's weder eso wiit gseh, mer händ euses achte Probeweekend abghalte.

Am Morge am 9 händ mer eus z'Oberrüti troffe ond send denn i Rechtig Emmete abgfahre. 

Vo dete esch es wiiter gange, met enere Luftseilbahn wo ganzi 2 (!) Vierergondeli gha hed. Es hed denn au öppe 2 Schtond dured bes all Ratte of em Hoger obe gseh send. Extrem schwerig esch es au gseh sech z'merke wo mer usschtige muess (Mittelstation? Bergstation?), zom Glöck hed mer au zom Gondeli us Natelempfang – gäll Raphi. 

Bem Huus acho, händ mer de gad met de erschte Registerprobe agfange. Nochem feine Mittagesse ond em Dessert (Crèmeschnitte mit Parmesan – isch guet gseh, Brüsche?) esch es am Nomitag met Probe wiitergange. Gäge obig send denn au die letschte Ratteschwänz itroffe. All händ sech bsonders of de Eagle D. gfreut, well er de Zwetschge Nachschub debi gha hed. Aber au die 5 Fläsche händ ned wörkli lang äneghebt.

Nach de letschte Probe send mer denn (offiziell) zom gmüetliche Teil öberegange. Zmetst die Nacht esch de im Chäfer d' Idee cho me chönntid die erschte Ratte – Hamburgertaufi dorefüere. D' Idee hed so guete aklang gfonde, dass sogar letschtjährige Hamburger metgmacht händ. Bsonders is züg innegleit hed sech de Roli, wo er i de Unterhose ofem weg zor Seilbahn inne Schneemur innegloffe esch!! Wie die Schneemur det äne cho esch weiss niemert so gnau?

Link zur Hamburgertaufi

Eusi Cuchicrew :2x Werni, 1x Beat und 1x Sepp

(wägem feine Ässe hetts ziitwiis sogar gröberi Stritereie gäh!)

Die nöi chuchicrew chocht ned nome super, sondern hebd au bem Trenke locker met. Vorallem de Werni hed met sineri Natelaktion üs sensationell unterhalte.

"Werni, das gsehd jo scho ganz professionell us, fascht wie euse Sämi!"

Eine noch em Andere isch de langsam go schlofe, nome 6 Ratte hend mer ned z'tot brocht. Obwohl d' Diskussione immer intressanter worde send, esch es am Morge am sebni esowiit gseh, dass die einte am Bode  oder am Tisch zue gschlofe händ. Ond ander händ sech nömme is Zimmer ine traut.

( do esch de Duss no wach gsi...)

Ganz anderi Problem bem Ischlofe hed de Gömu: wann explodiert d' Heizig? wann fangt de Möller a schnarchle?? oder wann isch wer ofs WC? – keis Wonder chasch be dere Ufregig ned ischlofe!! 

Secher schön bem schlofe heds au d'Jeannette, cha si doch noch eigete Ussage zwösche zwe warme (!?!) Männer schlofe (händ mer gar ned gwösst Oli ond Stadi!!!). 

Am Sonntig Morge ghots nochem Zmorge met emene chlini Poschtelauf im Schnee wiiter. 

Ond sofort send all weder wach för die erscht Prob!!

(etwas Farbe im Pauckenspiel?)

Be dere Prob werdid mer vo de Chuchicrew echli abglenkt, well si de ganz Raum bem Abrote iräuchered – es ghot denn au prompt de Füüralarm zwöi mol los.

Noch de letschte Gsamtprob im Schnee heissts s'huus putze. De Oli esch recht enttüscht, wo er erfahrt, dass er set Johre s'erscht mol nömme dörf s'WC putze – tja Oli s'nöchscht Johr besch secher weder dra!?!

Nach de zweschtöndige Abseilaktion semmer zrogg of Oberrüti, wo mer dänn s'wocheend bemne frühe Schlommerbecher im Ross abgschlosse händ. 

Mer dankid no de Bettina, de Nici ond em Käfer förs s'organisiere vom Weekend, sowie de Wernis, em Beat ond em Seppi förs super Ässe wo mer händ dörfe gnüsse.